Тĕнче литературинче сумлă ят хăварнă чăваш халăх поэчĕ  Петр Петрович Хусанкай çуралнăăранпа 2017 çулхи кăрлач уйăхĕн 22-мĕшĕнче 110 çул çитрĕ. Сумлă çыравçа, унăн сăввисемпе поэмисене пĕлмен, вуламан чăваш çук та пулĕ. Поэтăн кашни хайлавĕнче наци хăйне евĕрлĕх, чăвашлăх палăрать, кашни сăвви ăшă туйăм çуратать, чун-чĕрене тыткăна илет.

Çĕнĕ Ахпÿртри пĕтĕмĕшле пĕлÿ паракан тĕп шкулта кăрлач уйăхĕн 27-мĕшĕнче паллă поэта халалласа литература  сехечĕ иртрĕ. Кудряшова И.В. ачасене поэт пурнăçĕпе паллаштарчĕ. 7-мĕш класра вĕренекенсем П.П. Хусанкай сăввисене  пăхмасăр вуларĕç. Светлана Николаевна   Суркова библиотекарь   сумлă поэта халалланă кĕнеке куравĕ хатĕрленĕ.

Эпир Хусанкайпа мухтанатпăр, савăнатпăр, унăн кун-çулĕпе кăсăкланатпăр, хайлавĕсене вулатпăр, тишкеретпĕр.